Biryarek bê seval hat dayin

Li dadgeha jiyanê hatim tawanbar kirin
Tawanbarname bê bingeh hat xwendin

Sedema tawanbariyê evînperestî
Ma we bi xwe Mem û Zîn nedipesinandin bi dizî ?

Dewsa xelatekê bidin min
kuştin hîsên min
Koçber kirin kenê min

Ez ji we dipirsim tawanbarno
Ma hun dikarin evîna min dadgeh bikin bêheşno

Evîn tiştekî piroz e
Dayînek xwezayî ye

Dev berdin ji wan biryaran
Nebin parastwanên qedexan

Bihêlin bila Mem û Zinên me zide bibin
Çîrokên me yên evînê nûh bibin

Berdin bila evîn nasbike azadiyê
Qedexe nekin vê hevaltîyê

Çawa kulîlk bi tîna rojê mezin dibe
Evîn jî bi hebûna azadiyê reng dide

We evîna min bê seval dadgeh kir
Ez jî we şermezar dikim